„Настаните во текот на викендот покажуваат дека воената моќ на Русија се распаѓа и дека чудовиштето што го создаде Путин се врти против него“, изјави шефот за надворешни работи на ЕУ, Жозеп Борел.
Но, тој предупреди дека нестабилноста во Русија е опасна и мора да се земе предвид во наредните денови и недели.
„Важно е да се разбере дека воената моќ на Русија се распаѓа и дека тоа влијае на нејзиниот политички систем. И секако не е добро да се види како нуклеарна сила како Русија влегува во фаза на политичка нестабилност“, рече тој кога пристигна на состанокот на Министрите за надворешни работи на ЕУ во Луксембург.
„Чудовиштето се врти и се бори против својот творец“
„Најважниот заклучок е војната против Украина што ја започна Путин и чудовиштето што Путин го создаде со Вагнер, чудовиштето се бори против својот творец. Политичкиот систем ги покажува своите слабости, а воената моќ се распаѓа“, додаде тој.
Потиснатиот вагнерски бунт во Русија ќе биде главна тема на состанокот во Луксембург на министрите кои се очекува да го одобрат ветувањето за обезбедување повеќе средства за воена помош за Украина.
Исто така, се очекува да го одобри 11-тиот пакет санкции против Русија, чија цел е да се спречи Путин да ги заобиколи претходните санкции со користење на трети земји за трговија со сурова нафта и други производи ширум светот.
Сите информации поврзани со најновите случувања со војната во Украина можете да ги прочитате ТУКА.