Украинските власти мора да најдат начин да им помогнат на борците кои ја бранат фабриката за челик Азовстал во Мариупол, која беше опкружена од руските сили, рече командантот на Азовстал во видео обраќање.
„Го повикувам воено-политичкото раководство да преземе решителни чекори за да ја прекине блокадата или да ги евакуира сите оние кои се надеваат и веруваат во својата татковина“, рече заменик-командантот Свјатослав Паламар во видео пораката објавена во четвртокот.
Уапсен украински маринец; планирал терористички напад на Крим
Тој додаде дека борците се повеќе се прашуваат зошто Киев не ги исполнил ветувањата.
„Кој може да одговори на тоа: Зошто сме сами против артилерија, бродови и авиони?“, праша Паламар.
Заедно со многубројните војници, во бункерите на челичарницата има и околу 1.000 цивили.
Москва понуди едностран прекин на огнот за евакуација на жените, децата и работниците кои се кријат во бункери од фабриката за челик.
Бидејќи не се случи евакуација, Русија ја обвини Украина дека ги спречува цивилите да ја напуштат фабриката за челик.
Рускиот претседател Владимир Путин нареди целосна блокада на фабриката. Москва го обвинува Азовскиот полк за воени злосторства, но не обезбеди никакви докази.
Зеленски: Русија ги користи енергентите за да ја уценува Европа
Москва тврди дека остатокот од уништениот пристанишен град Мариупол во југоисточна Украина е под руска контрола по неколкунеделни жестоки борби.