Билјана и Филип избрани за младенци на традиционалната “Галичка свадба”

Сподели со своите пријатели

Билјана Гегоска и Филип Белчев се годинашните невеста и зет на традиционалната 42 -ра по ред ”Галичка свадба.

Loading...

Векови наназад, ”Галичката свадба” се одржува на 11-ти јули кога во селото Галичник ќе одекнат зурлите и тапаните, со што ќе го најават почетокот на Петровденската традиција.

„За нас „Галичката свадба“ не е манифестација, туку е овековечување на нашата љубов. Нашето и учеството на нашите фамилии, нема да биде улога, туку ќе претставува чекорење по стапките на нашите предци“, вели невестата, родена Галичанка.

Вечерта, пред куќата на младоженецот и пред куќата на невестата, ќе бидат изведени десетина свадбарски обичаи. Следниот ден, на Петровден, младите ќе се венчаат во импозантниот храм „Свети Петар и Павле“, каде што пред Бога ќе си ветат долговечен, верен, заеднички живот исполнет со многу дечиња.


Comments are closed, but trackbacks and pingbacks are open.