Жена во Индија (70) починала откако ја прегазил слон. Таа вечер слонот се вратил и повторно излегол на нејзиниот погреб.
Бизарниот инцидент се случил минатиот четврток во селото Раипал во источна Индија кога 70-годишната Маја Мурму собирала вода, пренесува Дејли Мејл.
Одеднаш од никаде се појавил побегнат слон кој ја згазил. Мурма била пренесена во болница, каде подоцна починала поради тежината на повредите. Истата вечер се одржало нејзиното збогување, а слонот се вратил.
Нејзиното тело го извадил од погребната постела, го фрлил на подот и повторно го згазил и заминал во непознат правец. Се верува дека слонот избегал од засолништето за диви животни во Далма, кое е оддалечено околу 200 километри од местото на инцидентот.
Инаку, слоновите во Индија годишно убиваат околу 100 луѓе, иако таа бројка може да достигне 300. За да се намали тој број што е можно повеќе, на слоновите се поставени ѓердани кои го предупредуваат локалното население кога животните ќе се приближат до населбата.