Германија најави дополнителна воена поддршка за Украина во износ од 400 милиони евра, но во новиот пакет не се вклучени крстосувачките ракети „Таурус“ за уништување бункери, кои владата во Киев итно ги побара од официјален Берлин.
Германскиот министер за одбрана Борис Писториус објави дека новата воена помош за Украина вклучува муниција, оклопни возила и обука за илјадници војници, како и топла зимска облека и опрема за чистење мини, се вели во извештајот на дневниот весник „Билд“, а оваа информација е потврдена за Блумберг и во Министерството за одбрана на Германија.
Германија не донела одлука дали ќе испрати ракети во Украина
Германија сè уште нема донесено одлука дали да испрати проектили со долг дострел Таурус во Украина, бидејќи треба да анализира „многу политички, правни, воени и технички аспекти“, изјави Писториус за Билд.
Меѓу другите фактори, владејачката коалиција на канцеларот Олаф Шолц мора да утврди дали проектилите, кои би можеле да помогнат во пробивањето на руските одбранбени позиции, може да се користат без поддршка од германски војници, пишува Билд.
Сите информации поврзани со најновите случувања со војната во Украина можете да ги прочитате ТУКА.