Белгија постигна договор со француската енергетска компанија Engie за продолжување на животниот век на два нуклеарни реактори за 10 години, изјави премиерот на земјата Александер де Кро во понеделникот, откажувајќи го претходниот план за напуштање на нуклеарната енергија до 2025 година поради војната во Украина.
Ова се два од седумте нуклеарни реактори кои работат во Белгија.
Двете страни со месеци преговараа за условите на тоа продолжување, за што Белгија одлучи во март 2022 година со цел да го обезбеди своето снабдување со енергија по 2025 година во неизвесна ситуација поради војната во Украина.
Белгија и енергетската компанија Engie веќе се согласија да основаат заедничко вложување 50:50 за управување со реакторите со продолжен живот, врз основа на прелиминарниот договор објавен во јули.
На 18 март, белгиската влада ја објави својата одлука да го одложи целосното исклучување на нуклеарната енергија за 10 години, претходно планирано за 2025 година. Седум реактори требаше постепено да бидат исфрлени меѓу крајот на 2022 и 2025 година, а еден веќе беше затворен во крајот на септември.
Владата рече дека сака да „потпише целосни договори во наредните месеци“.