Истрага на BBC Africa откри дека жени, познати во Кенија како „мадамс“, регрутираат деца на возраст од само 13 години за проституција.
Во кенискиот град Маи Махиу, камиони и товарни возила поминуваат дење и ноќе транспортирајќи стока и луѓе низ Кенија до Уганда, Руанда, Јужен Судан и Демократска Република Конго, објавува BBC, наведувајќи дека оваа клучна сообраќајна раскрсница, која се наоѓа на само 50 километри од главниот град Најроби, е позната по проституција и сексуална злоупотреба на деца.
Претставувајќи се како сексуални работнички кои сакаат да научат како да станат мадамс, двајца истражувачки новинари поминале месеци претходно оваа година инфилтрирајќи во мрежи за експлоатација на деца во Маи Махи.
Нивната истрага открила две жени кои признале дека знаат дека она што го прават е нелегално, но откако ги предале доказите на кениската полиција во март оваа година, полицијата соопшти дека жените и младите девојки кои биле снимени не можат да бидат пронајдени.