Бајден започна план за борба против биолошки закани

Сподели со своите пријатели

Американскиот претседател Џозеф Бајден денеска започна план за борба против биолошките закани и подготовка за следната пандемија откако пандемијата на коронавирус предизвика повеќе од милион смртни случаи во САД.

Loading...

Националната стратегија за одбрана од напади со биолошко оружје, објавена од Белата куќа, наведува дека САД мора да се позанимаваат со „случајното ослободување на биолошки агенси и заканите од терористичките групи или противниците кои сакаат да користат биолошко оружје“, објави Ројтерс.

Меморандумот потпишан од Бајден воспоставува структура за координација на политиката за одбрана од напади со биолошко оружје меѓу владините агенции под надзор на Белата куќа.

Тој ја насочува американската разузнавачка заедница да ги следи заканите и да обезбеди дека Соединетите држави „континуирано се прилагодуваат на оваа средина за закана што се развива“ со одржување годишни вежби, рече висок претставник на администрацијата во опишувањето на новиот план.

ПРОЧИТАЈТЕ И:  Б-21 Рајдер: Нов американски „невидлив“ бомбардер

Планот го повикува Конгресот да одобри барање за 88 милијарди долари во текот на пет години за опрема за пандемијата и одбрана од напади со биолошко оружје.

„Целта е да се спречат епидемиите и биолошките инциденти пред да се случат, без разлика дали се случуваат природно, намерно или случајно“, рече претставникот.