Американскиот претседател Џозеф Бајден изјави дека рускиот претседател Владимир Путин е „воен злосторник“ поради инвазијата што ја изврши врз Украина.
„Тој е воен злосторник“, изјави Бајден пред новинарите во обраќањето по настаните во Белата куќа, пренесува Ројтерс.
Јапонија: Забележани се четири руски бродови кои пловат на запад
Тој го обвини и рускиот претседател за „страшно уништување во Украина“, бомбардирање згради, породилишта и болници.
Претходно Бајден најави дополнителна воена помош за Украина во износ од 800 милиони долари, која меѓу другото вклучува беспилотни летала, системи за противвоздушна одбрана „Стингер“, автоматски пушки, минофрлачи и муниција.
Британија и пет други земји побараа седница на Советот за безбедност на ОН за Украина
„Ќе и дадеме оружје на Украина да се бори и да се брани во тешките денови што претстојат“, рече Бајден, цитиран од Ројтерс.