Австралија ги предупреди граѓаните да се подготват за нови поплави

Сподели со своите пријатели

Австралиските власти издадоа предупредување до регионите во Нов Јужен Велс и Квинсленд, опустошени од поплави, да се подготват за полоши врнежи и бури во наредните месеци.

Loading...

Сојузниот министер за вонредни ситуации Мареј Ват и порача на јавноста „да биде подготвен“ за нови поплави, додека владата на премиерот Ентони Албанес работи на воведување реформи за исплата на помош на погодените од катастрофата.

Бирото за метеорологија соопшти дека се предвидува дека поплавите ќе претставуваат најголем ризик од природни катастрофи во наредните месеци, многу поголем од пожарите или топлотните бранови низ целата земја, пишува Гардијан.

ПРОЧИТАЈТЕ И:  Енергетската криза го „гаси“ производството на некои лекови во Европа

Како што се наведува, особено во источните држави времето ќе биде многу влажно, со обилни врнежи од дожд и град.

Главниот климатолог на Бирото Грег Браунинг рече дека „има многу големи шанси за многу над просечните врнежи“ долж целиот источен брег.

Бидејќи многу од овие области веќе имаат големи количини на влага во почвата, предупреди тој, дополнителниот дожд нема да може да се апсорбира и наместо тоа ќе почне да тече во реките, предизвикувајќи нови поплави.

ПРОЧИТАЈТЕ И:  Германија: Нуклеарките нема да работат по зимата

Според него, постои голема веројатност дека овогодинешната сезона на пожари ќе биде помалку опасна од претходните лета, но западот на Австралија и Тасманија би можеле да бидат „исклучок“ во овој поглед, бидејќи се очекуваат топлотни бранови.

Климатската прогноза на бирото за следните три месеци вклучува натпросечни врнежи од дожд во источните делови на земјата, со 70 отсто шанси за временски настан Ла Нинџа подоцна оваа година.

Loading...