Еден Австралиец преживеа два месеци во Тихиот Океан јадејќи сирова риба и пиејќи дождовница, а лекарот вели дека неговото здравје е „стабилно и многу добро“.
Тим Шедок (51) од Сиднеј и неговото куче Бела во април го напуштија Мексико за Француска Полинезија, но неколку недели подоцна бура го оштети нивниот брод и тој не можеше да го стартува.
Тие беа спасени минатата недела, откако беа забележани од хеликоптер и земени од рибарски брод.
Лекар од бродот изјавил за австралиски 9News дека здравјето на мажот е добро.
Шедок тргнал од мексиканскиот град Ла Паз на пат долг повеќе од 6.000 километри, но електрониката на бродот откажала поради невреме.
Така, тој и неговото куче останале во чамец во огромниот и непријателски настроен Северен Тихи Океан.
По два месеци откако тргнал, Шедок и неговото куче конечно биле пронајдени на брегот на Мексико.
Шедок видно ослабе и пуштил брада.
„Поминав низ многу тешко искушение на море“, вели тој во видеото до кое дојде 9News.
„Сега ми треба само одмор и добра храна бидејќи долго време бев сам на море. Инаку, јас сум во многу добра здравствена состојба“.
Шедок рече дека неговата опрема за риболов му помогнала да преживее.
Успеал да избегне изгореници со тоа што се засолнил под крошната на чамецот.
Набргу откако бил спасен, Шедок се смешкал, со апарат за мерење на крвен притисок во раката.