Авиони три пати го гаснеле пожарот во с. Матејче

Сподели со своите пријатели

Како што информираат од Регионалниот центар за управување со кризи, пожарот кој вчера беснееше во с. Матејче на надморска височина од 1300 метри неколку пати бил гаснат и повторно се разгорувал.

Loading...

Најпрвин вчера околу 11 часот одговорно лице од ЈП Шумско Стопанство ги информирало надлежните од РЦУК дека пожарот е локализиран, а нивните екипи вратени од терен.

Во текот на пладневните часови поради појава на ветер жариштата повторно се активирале. Тогаш поради лошата конфигурација на теренот и непристапноста до опожарената сува трева и дабова шума, биле ангажирани два авиони за гаснење пожар од Дирекцијата за заштита и спасување.

Во 17 часот е јавено дека авионите успеале да го изгаснат пожарот кај местото викано Вуксан, но веќе во 20:15 часот од Полициската станица во селото било пријавено дека пожарот повторно е активен.

Со истата информација било запознаено одделението на Дирекцијата за заштита и спасување, Одговорното лице од Шумско Стопанство, а надлежните лица од Општина Липково не биле достапни за контакт.

Дождот кој во текот на ноќта паѓаше во регионот го изгаснал пожарот, а засега нема конкретни информации за изгорената површина.