Норвешкиот авион „Боинг 787“ претрпел дефект на моторот при летот, што довело до тоа фрагменти да паѓаат од авионот и да кршат прозорци на автомобили во римското предградите Фјумицино.
Инцидентот се случил во сабота, непосредно по полетувањето од аеродромот Леонардо да Винчи во престолнината на Италија.
– Слушнавме вресок, а потоа нешто како звук од ветер, како удар на бура од ведро небо. Сфативме дека насекаде имаме парчиња железо. Парчињата ни ги оштетија автомобилите, тендите и многу работи. Парчињата железо исто така беа многу топли, објаснил еден жител на Фјумицин.
Друг жител твтди дека парчеиња од авионот паднале врз него.
На снимките се гледаат фрагменти од авион, дупки и пукнатини на прозорци од автомобили кои ги предизвикале парчињата железо кои паѓале од небото.
Инцидентот го истражуваат локалните власти, а од компанијата „Норвежиан ер“ се уште не се огласиле.