Астронаутите во идните мисии на Месечината можеби ќе можат да ја користат социјалната мрежа Whatsapp и да гледаат Нетфликс, благодарение на напорите на британската компанија.
„Inmarsat“ е една од неколкуте британски компании нарачани од Европската вселенска агенција за создавање телекомуникации и систем за навигација GPS за површината на Месечината.
Ник Шејв, потпретседател на стратешките програми во Инмарсат, се надева дека до 2028 година, интернет сателитите ќе кружат околу Месечината, според Мирор, пренесува Танјуг.
Планирано е следната деценија преку мисии во кои луѓето ќе се вратат за прв пат од 1972 година.
Комерцијалните компании планираат и вселенски мисии во иднина. Директорот за истражување на луѓе и роботи на ЕСА, Дејвид Паркер, ги опиша претстојните лунарни патувања како „систематско истражување на нашиот осми континент“.
