Вооружените сили на Белорусија започнаа вежби за борбена готовност на сите категории воен персонал, во согласност со планот за обука, соопшти денеска Министерството за одбрана на Белорусија.
Армијата ја започна планираната обука за борбена готовност. Тековните мерки се во согласност со планираниот план за обука и стекнување вештини за нови регрути, се вели во соопштението за печатот на Министерството, пренесува ТАСС.
Како што е наведено, примарни цели на вежбите се да се подобри оперативноста на воените командни центри, да се подобрат практичните вештини на командантите, како и да се обучи персоналот за оперирање во различни средини.
Претседателот на Белорусија, Александар Лукашенко, претходно неколку пати повтори дека Белорусија нема потреба од мобилизација.
Министерството за одбрана на Белорусија на почетокот на октомври објави дека може да мобилизира 500.000 обучен персонал доколку е потребно.