Големи поплави предизвикани од дожд кои непрекинато паѓаа во текот на ноќта во петокот ја погодија американската метропола Њујорк.
Гувернерката на Њујорк, Кети Хочул, објави дека е прогласена вонредна состојба во сојузната држава, која изминатава недела има претежно дождливо време.
As seen in New York, USA.
— YabaLeftOnline (@yabaleftonline) September 29, 2023
Поради обилните врнежи од дожд, чиј интензитет се зголемуваше и во текот на ноќта, во прекин е превозот со метрото на одредени линии.
Многу од градските метро системи, улици и автопати беа поплавени, додека најмалку еден терминал на аеродромот Ла Гвардија беше затворен во петокот.
Њујоршката управа за транспорт (MTA) објави дека услугата на метрото е крајно ограничена и дека услугите може да бидат суспендирани на некои станици.
BREAKING : State of emergency declared in New York City due to heavy flooding. pic.twitter.com/G9381xcbmf
— Aldrich (@observer888888) September 29, 2023
„Ако треба да патувате, користете јавен превоз. Избегнувајте поплавени патишта. Ако живеете во подрум, подгответе се да се преселите на повисок кат“, рече комесарот за управување со вонредни состојби во округот Њујорк, Зак Искол.
Метеоролозите најавуваат дека врнежите ќе продолжат до сабота. Издадено е предупредување за поплави во делови од градското подрачје на Њујорк поради обилните врнежи од дожд.
Предупредувањето за поплави ќе важи за Менхетен, Бруклин и Квинс до 12:30 часот по локално време.
People are swimming in the subway in New York City. just think of all the trash and rodent feces and diseases. NYC MTA is in a state of emergency due to heavy rain and flooding. pic.twitter.com/H0KeCw6M6n
— Bitcoin New York City (@BSV_NYC) September 29, 2023
Во меѓувреме, издадено е предупредување за поплави во соседните Њу Џерси и Конектикат, каде врнежи се забележани во последните четири дена.
Гувернерот на Њу Џерси, Фил Марфи, ги предупреди жителите да бидат внимателни и да не возат или одат по поплавени патишта.