Американската влада објави дека ја забранува продажбата на антивирусен софтвер Kaspersky во земјата и ги повикува Американците кои го користат софтверот да се префрлат на друг провајдер.
Бирото за индустрија и безбедност на Министерството за трговија соопшти дека воведе „прва од ваков вид“ забрана, тврдејќи дека Kaspersky претставува закана за американската национална безбедност и приватноста на корисниците бидејќи компанијата е со седиште во Русија.
„Русија покажа дека има капацитет, а уште повеќе, намера, да користи руски компании како Касперски за собирање и користење на личните податоци на Американците. Затоа сме принудени да ги преземеме активностите што ги преземаме денес“,изјави американскиот министер за трговија Џина Раимондо.
Веста за забраната прв ја објави Ројтерс пред официјалното соопштение.
Портпаролот на Kaspersky не одговори веднаш на барањето на TechCrunch за коментар.
Забраната за продажба на софтвер на американски потрошувачи и компании е на сила од 20 јули, но компанијата ќе може да обезбеди софтверски и безбедносни надградби на постоечките клиенти до 29 септември.
После тоа, повеќе нема да им биде дозволено да го ажурираат софтверот за американските корисници.
Тоа значи дека квалитетот на услугите ќе опаѓа, предупреди Раимондо и им препорача на корисниците да најдат алтернатива.
Раимондо рече дека американските потрошувачи кои веќе ги користат услугите на компанијата не го прекршуваат законот.
„Сепак, најсериозно препорачувам веднаш да престанете да го користите тој софтвер и да се префрлите на алтернатива за да се заштитите себеси, вашите податоци и вашето семејство.
Забраната објавена во четвртокот е најновата ескалација во долгата низа акции на американската влада против московскиот Касперски.
Во септември 2017 година, администрацијата на Трамп им забрани на американските федерални агенции да користат софтвер Касперски поради стравувањата дека компанијата може да биде принудена да им помогне на руските разузнавачки агенции.
Претходно истата година беше објавено дека руски владини хакери украле доверливи американски документи зачувани на домашниот компјутер на шпион бидејќи користел антивирус Kaspersky, првиот познат случај на шпионажа што произлегува од употребата на софтверот на компанијата, пишува TechCrunch.
Одлуката за забрана на Kaspersky се работеше од минатата година, според извештајот на Wall Street Journal од април 2023 година.
Според компанијата, тие имаат повеќе од 400 милиони индивидуални корисници и над 240.000 корпоративни клиенти ширум светот.