Американската Федерална трговска комисија (FTC), државното тело за заштита на потрошувачите, го обвини Амазон дека ги измамил корисниците на Prime со автоматско обновување на нивните претплати и го отежнува откажувањето на услугата користејќи „манипулативно“ дизајнирана веб-страница.
Амазон ги отфрли обвинувањата, нарекувајќи ги „лажни фактички и законски“, пренесува Би-Би Си.
Четири страници, шест кликања, 15 опции
Во тужбата поднесена до федералниот суд во Сиетл, ФТЦ тврди дека Амазон се обидува да им го отежне на клиентите да се откажат од автоматското обновување бидејќи „тие промени негативно ќе влијаат на крајната линија на Амазон“.
Беше кажано и дека клиентите кои сакаат да ја откажат услугата Prime биле принудени од Амазон да поминат низ комплициран процес, т.н. „четири страници, шест кликања, 15 опции“, за што ФТЦ посочува дека е внатрешно познат како „процес на Илијада“ поради сличноста со долгата и напорна борба меѓу Грците и Тројанците, пренесува Танјуг.