Амбасадорката на САД во Обединетите нации Линда Томас-Гринфилд изјави дека руската инвазија на Украина ќе предизвика недостиг на храна за 40 милиони луѓе и дека најтешко ќе биде погодена субсахарска Африка.
САД ветија 4,5 милијарди долари за безбедност на храната на самитот на Г7, од кои веќе придонесоа со 2,76 милијарди долари.
Исто така, има планови САД да придонесат со 150 милиони долари во нов пакет помош за хуманитарен развој во Африка, но сè уште е потребно одобрување од Конгресот, додаде таа, пренесе Хина, цитирајќи Ројтерс.
Гладот како оружје за војна
„Африканците „не треба да бидат принудени да избираат страна во повторувањето на Студената војна, но тие мора да ги знаат фактите“, рече таа.
Додека енергијата, климатските промени, пандемијата и конфликтот се клучни причини за глобалниот проблем со снабдувањето со храна, Томас-Гринфилд рече дека „најподмолната причина за глад“ е „кога се користи како оружје за војна“.
„Не видовме никакви индикации дека Русија ќе прифати дипломатско решение“ за војната во Украина, рече таа.