Индонезиските локални власти објавија список со песни кои се забранети во округот Вест Јава поради, како што навеле, порнографска содржина.
– Текстовите на овие песни содржат порнографија и разврат – се наведува во објаснувањето.
Радиодифузното тело на оваа индонезиска провинција составило список од 85 песни кои се забранети за емитување, а меѓу кои и „Shape of You“ од Ед Ширан.
Емитувањето на песните од овој список е дозволено исклучително од 10 навечер до три наутро.
Меѓу спорните песни се најдоа и хитовите на Аријана Гранде „Love me harder“, како и “That’s what I like“ од Бруно Марс.
– Во овој случај не би рекол дека се забранети песните, туку нивнито текстови кои содржат порнографија и разврат, рекол заменикот претседател на редиодифузното тело на Вест Јава, Рахмат Африн.