Жителите на овој шпански град мора да ослабнат 100 тони

Градот Нарон во северозападниот дел на Шпанија си зададе голем предизвик – до почетокот на 2020. година неговите жители мора да ослабнат 100 тони.

Шунка и пржени лигњи се исфрлени со менито на стотици жители кои тргнале на програмата за ослабнување во градот.

– Луѓето во 21. век забораваат дека се создадени за чекорење, вели лекарот Карлос Пинеиро, кој го започнал програмот со поддршка на градскиот совет.

Нарон има 40.000 жители, од кои 12.000 се предебели.

СЗО: Алармантни бројки за дебелината и употребата на цигари и алкохол во Европа

На проектот за ослабнување кој го составиле локалните лекари, се приклучиле околу 4.000 жители, односно 10 отсто од популацијата.

Исхраната и физичката активност се персонализирани и прилагодени за поединци, а во центарот на градот поставени се ваги за контрола.

Во градот, 18 ресторани започнале да нудат здрава храна, промовирајќи атлантска диета со употреба на морски плодови.

Позната по гастрономијата, Галиција, судејќи по истражувањето на Здружението на шпански кардиолози, е регијата во која има најмногу луѓе со вишок килограми.