Сигурно поголемиот дел од вас исто како и ние ќе останете помалку изненадени од фактот дека во кумановскиот крај пред точно 57 години имало подвижни кина кои ги посетувале селата и каде биле проектирани филмови.
Колку и да звучи чудно, сепак културниот живот на Куманово во почетокот на шеесеттите години од минатиот век изгледа дека бил поактивен. Подвижните кино проекции биле организирани од Народна просвета, а целта било сите да имаат можност да гледаат филм.
Пред 100 години во Куманово била извршена првата кинопроекција
Loading...
„Околинскиот одбор на Народна просвета посебно внимание обрнува на прожектирање филмови во селата каде што нема кина. Годинава со подвижно кино се посетени сите села на подрачјето на Старонагричка, Табановска и други општини каде има електрично осветлени. За овие претстави кај населението владееше голем интерес и во наредниот период оваа активност далеку ќе се зголеми. Главниот одбор на Народна просвета во заедница со народните одбори ќе настојува да се обезбедат средства за купување на кинопроектори, што ќе бидат доделени на најдобрите селски одбори, пишува во вториот број на „Наш весник“.
Очигледно дека Куманово денеска не може да се смета ниту за село, ако се погледат овие критериуми, бидејќи киното кое го имаме пред неколку години доби намален капацитет, а филмови прикажува многу ретко.
Извор: „Наш весник“ број 2 (петок, 10 ноември 1961. година)