Самсунг сега има најголема фабрика за производство на телефони

Самсунг секако спаѓа во најголемите играчи кога станува збор за пазарот со паметни телефони, а за да го зајакне своето присуство на одредени пазари како што е растечкиот пазар во Индија, јужнокорејската компанија токму таму ја отворила најголемата светска фабрика за производство на телефони.

Фабриката е отворена во индискиот град Ноида, а зазема простор од 141.000 квадратни метри. Објектот ќе има потенцијал да го дуплира производството на компанијата за производство на телефони. Самсунг моментално на пазарот произведува околу 60 милиони телефони, што значи дека под полн капацитет новата фабрика би можела да произведува 120 милиони мобилни телефони годишно.

Самсунг носи револуција на полето на батериите за мобилни телефони

Сепак, споменатата бројка нема да биде достижна во некое догледно време, затоа што Самсунг предвидува дека ќе бидат потребни околу три години да се постигне полн капацитет на производство во таа фабрика. Дел од причините се во тоа што процесот за вработување е подолг, а фабриката бара вкупно 5.000 нови вработувања.

Самсунг се уште не потврдува кои уреди ќе се произведуваат во таа фабрика, но истакнува дека потенцијално ќе се произведува се – од телефони од долен сегмент до премиум модели.