Џозефин П. и нејизниот тетин Герит Х. веќе три години се борат за својата љубов. Џозефин имала само 14 години кога таа и Герит побегнале.
Во камп-приколка патувале низ Белгија, Шпанија и Франција. На крајот ги видела една жена во продавница на југот на Франција и ги пријавила во полиција. Девојката е вратена кај родителите, а на Герит му се заканувало приведување.
Родителите ќерката ја одвеле кај психолог затоа што тврделе дека е психички болна, но таа и натаму инсистирала дека е со Герит, кој во меѓувреме се развел. Тврдела дека го сакала и дека ништо нема да ги раздели.
Со оглед дека немало докази дека спиеле заедно додека била помлада од 16 години, Герит не е казнет, а судот одлучил дека не може да им се забрани да се видуваат затоа што тоа лошо влијаело на Џозефин.
Таа денес има 17 години, а Герит, поранешниот маж на нејзината тетка, има 49. Разликата од 32 години не им пречи, а девојката вели дека ќе се венчаат следната година кога таа ќе стане полнолетна.
– И натаму се бориме другите да ја прифатат нашата љубов. Герит никогаш не манипулираше со мене. Јас го сакав тој контакт и самата развив чувства кон него, рекла таа.
Герит вели дека во почетокот ја одбивал таа врска затоа што имал семејство кое не сакал да го остави.
– Ние сме среќен пар, најдобри пријатели, сродни души. Се разбираме и многу ни е убаво заедно, велат тие.
Парот живее во стан во Берлин.
https://youtu.be/FLyTJ295IW4