Мажите толку се трудат да ги заштитат дамите од несакана бременост, што кога ќе посакаат да станат татковци со изненадување откриваат дека тоа всушност не е толку лесно.
Според американски истражувачи еден од осум парови има проблеми со зачнувањето. “Во еден од три случаи мажот е причината”, сметаат научниците од Американскиот колеџ за акушерство и гинекологија.
“Вкупниот број на сперматозоидите во семената течност на мажот се намалиле во последните неколку децении”, вели урологот проф. Аџај Нангиа од Универзитетската болница Канзас – “Многу е можно недостатокот на” војници “да е резултат од мали нешта од секојдневниот живот на мажот” .
Кои се тие?
Будност и седење до доцна ја оштетуваат спермата
Мажите кои спијат помалку од 6 часа, ги намалуваат шансите да ги забременат своите сопруги со до 31%. Недостатокот на сон предизвикува намалување на нивото на тестостерон во машкото тело, кој е исклучително важен за производството на сперма.
Заклучокот е направен по научна студија од октомври 2016 година, спроведено од Школата за јавно здравје при Бостонскиот универзитет.
Во него 695 парови биле подложени на темелна медицинска студија која накратко го покажува следново:
Спиење во рок од 6 часа или помалку штети на семепроизводството. Вонредно долгиот сон исто така би можел да одигра лоша услуга кај идните татковци. Ако тие затвораат очи меѓу 9 и 12 часа ги чека истиот проблем. Американските научници ги советуваат господата да се придржуваат кон здрав 7-часовен сон, за да можат “да ја завршат работата”.
Грешниот лубрикант го попречува оплодувањето
Комерцијалните еротски подмачкувања може да ја оштетат подвижноста на сперматозоидите, т.е. нивната можност да “допливават” до јајце клетката, за да ја оплодат.
Во истражувањето од 2014 година, објавено во Журнал “плодност и неплодност”, урологот проф. Аџај Нангиа открива дека густата течност ги спречува “војниците” да стигнат до својата цел.
“Лубрикантите се сосема прифатливи за стандарден секс, но што се однесува до обидот за забременување, тие треба да бидат целосно исклучени”, смета урологот проф. Наѓи кој објасни дека во лубрикантот често се содржи хлороводородна киселина, која ги убива сперматозоидите.
Секако, ова не значи дека лубрикантите дејствуваат како контрацептиви, бидејќи тие не се развиени со таква цел.
Газираните пијалоци и слаткото создаваат вишок килограми, а тие ги убиваат сперматозоидите
“Мажите кои пијат повеќе од една чаша газиран пијалок на ден, без да сакаат ја намалуваат подвижноста на сперматозоидите”, пишуваат во научна студија лекари од Универзитетот Рочестер во 2014 година.
Примањето на големи количини шеќер од пијалоци или храна води до инсулинска резистенција – состојба при која клетките не можат да прифатат гликоза од крвотокот. Ова води до воспаленија, штетни за мобилноста на сперматозоидите.
Другиот проблем на газираните пијалоци е дека често се причина за прекумерна тежина кај посилниот пол. Вишокот килограми го намалуваат производството на тестостерон и предизвикуваат зголемување кај нивото на естроген. Во таква ситуација женскиот хормон ја попречува машката плодност.
Присуството на повеќе масти во интимната област би можело да ја подигне температурата во скротумот, убивајќи ги сперматозоидите. Жегата дефинитивно не е нивниот прв пријател.
За здрав сон не е важно колку долго спиете, туку кога си легнувате