Повеќе од 1.200 полицајци денес учествуваа во голема операција против мотоциклистичкиот клуб „Ангели на пеколот“ во Северна Рајна-Вестфалија, откако властите официјално забранија локален огранок на групата, соопшти полицијата.
Акцијата беше спроведена во 28 градови, вклучувајќи ги Леверкузен, Келн, Дортмунд и Дујсбург.
Претреси беа извршени на неколку локации, вклучувајќи го и клубот „Ангели на пеколот“ во Хилден.
Во акцијата учествуваа и специјални полициски единици, објавија германските медиуми, повикувајќи се на изјави од полицијата и покраинските власти.
Министерот за внатрешни работи на Северна Рајна-Вестфалија изјави дека забраната е воведена поради сомневања дека огранокот на клубот дејствува како криминална организација.
Ова е една од најголемите полициски операции против „Ангелите на пеколот“ во Германија во последно време.