Во Москва денеска паднаа 12 сантиметри снег, со што беше соборен рекордот стар повеќе од половина век, изјави Михаил Леус, водечки експерт во рускиот метеоролошки центар Фобос.
„До утрото во руската престолнина се насобраа 12 сантиметри снег. Претходниот рекорд за овој ден беше 10 сантиметри, а беше на сила 55 години“, напиша Леус во објава на платформата Макс, пренесува РИА Новости.
Според извештаите, во регионот на руската престолнина од почетокот на денот паѓаат обилни снежни врнежи, кои урнале дрвја и напрегале далноводи.
Властите издадоа портокалово ниво на предупредување, се очекува зголемување на снежното невреме, услови за мраз и можна појава на суви грмотевици.
Многу паркови се затворени.
Москва го суспендираше изнајмувањето на електрични скутери, велосипеди и возила за споделување автомобили со летни гуми.
На возачите им се препорачува да не се паркираат во близина на дрвја и да не бараат засолниште под нив.
Метеоролозите очекуваат снежните врнежи да стивнат до вечерта, но да продолжат и во вторник. До среда времето нема да се подобри.
Градските служби работат на отстранување на паднатите дрвја.