Датумите за втората рунда разговори меѓу САД и Иран сè уште не се утврдени, изјави денес портпаролот на Министерството за надворешни работи на Пакистан.
Тој рече дека нуклеарните прашања се меѓу темите што ги разгледуваат земјите, пренесува Ројтерс.
Началникот на пакистанската армија денес ќе се сретне со ирански претставници во Техеран за да се обиде да ги намали тензиите во повеќекратните конфликти на Блискиот Исток и да закаже втора рунда мировни преговори со САД.
Белата куќа објави дека следната рунда разговори би можела да се одржи во Пакистан, каде што беше организирана првата, но сè уште нема конечна одлука.
Пакистан стана клучен посредник во решавањето на конфликтот меѓу САД и Иран по првата рунда мировни преговори во Исламабад, иако за време на нив не беше пронајдено конкретно решение.