Хјуман рајтс воч (ХРВ) издаде предупредување дека израелската војска користи бел фосфор врз цивилните станбени области во Либан.
Организацијата потврди седум видеа на кои се гледа како муницијата се прска врз станбените области на градот, што претставува сериозно кршење на меѓународното право.
Според ХРВ, силите за цивилна одбрана биле снимени како гаснат пожари во најмалку две куќи и еден автомобил предизвикани од овој хемиски агенс.
Белиот фосфор е хемикалија што гори на екстремно високи температури, способна да запали згради и да предизвика изгореници што продираат во човечкото месо до коска, пишува The Independent.
Дури и ако изгорениците се мали, преживеаните се изложени на висок ризик од инфекција, откажување на органите или респираторни проблеми.