Најмалку шест лица загинаа, а повеќе од 25 се повредени во израелските воздушни напади врз источниот либански регион Бека доцна во петокот навечер, објавија либанските медиуми.
Либанската државна Национална новинска агенција (ННА) соопшти дека шест лица загинале во нападите, додека повеќе од 25 ранети биле префрлени во болници низ регионот, објавува Анадолија.
Израелските воени авиони започнаа бран жестоки воздушни напади врз источните и западните планински венци во источна Бека, а експлозиите одекнуваа низ целата област.
Три напади беа насочени кон областа Шар, во подножјето на источните либански планини, додека авионите продолжија да летаат над Баалбек.
Еден од нападите погоди зграда во близина на Фондацијата Ал-Кард Ал-Хасан на автопатот Ријак-Балбек, срамнувајќи ја со земја, според ННА.
Израелските авиони извршија два дополнителни напади врз рамнините на градовите Каср Наба и Тамнине ал-Тахта, западно од Баалбек.
Израелската војска соопшти дека командните центри на Хезболах биле цел на последните напади во Либан.
Нападите доаѓаат по повторените израелски прекршувања на договорот за прекин на огнот постигнат во ноември 2024 година, во кои стотици Либанци беа убиени или ранети.
Израел сè уште ги држи петте либански ридови што ги освои за време на последната војна, како и други либански области што ги контролираше со децении.