Севернокорејскиот лидер Ким Џонг Ун присуствуваше на церемонијата на отворање на термална бања во североисточната покраина на земјата, нарекувајќи ја идно „прекрасно“ одморалиште за луѓето по години реновирање, објави „Кореја тајмс“.
Одморалиштето Онфо, кое се наоѓа во покраината Северен Хамгјонг, е најголемата термална бања во Северна Кореја.
Во јули 2018 година, севернокорејскиот лидер нареди одморалиштето да се претвори во сеопфатен сервисен центар и терапевтски објект откако остро го критикуваше лошото управување и санитарните услови на комплексот.
По обиколката на реновираниот одморалиште, Ким оцени дека сите делови од кампот се избалансирани и дека неговите архитектонски елементи се во добра хармонија со околината.
Тој рече дека обиколката на одморалиштето, кое е претворено во прекрасна база за обезбедување одмор и услуги за луѓето, го исполнила со гордост затоа што направил уште една вредна работа.
Се чини дека обиколката на Ким има за цел да ја заостри дисциплината врз партиските и државните функционери пред клучниот партиски конгрес за кој се очекува да се одржи следниот месец.
Порано оваа недела, Ким го отпушти вицепремиерот Јанг Сунг-хо поради неговата неодговорност во проектот за модернизација на фабрика за машини, што е ретко јавно отпуштање.