Руските сили за воздушна одбрана во текот на ноќта уништија 104 беспилотни летала на украинските вооружени сили во девет региони, соопшти утринава руското Министерство за одбрана.
Регионот Смоленск во Русија е нападнат од украински беспилотни летала, од кои еден се обидел да се закани на нуклеарен објект, изјави шефот на регионот Василиј Анохин.
Во различни области на регионот Смоленск, цивилни објекти беа подложени на масовен напад со беспилотни летала.
Според прелиминарните информации, едно од беспилотните летала е соборено при обид за напад на објект за нуклеарна енергија, изјави рускиот гувернер на својот канал Телеграм, пренесува Интерфакс.
Според него, нема повредени и нема материјална штета.
Остатоци од дрон паднаа и во индустриска зона во регионот Нижни Новгород, а во претпријатието избувна пожар, изјави денеска шефот на регионот Глеб Никитин.
Како резултат на одбивање на напад со дрон, фрагменти од дронот паднале на територијата на едно од претпријатијата на индустриската зона Кстов, пожарникарите сега го гаснат пожарот, напиша гувернерот на својот канал Телеграм.
Според него, нема жртви.