Се очекува Доналд Трамп да потпише извршна наредба на неговиот прв ден од функцијата со која трансродовите луѓе ќе бидат исфрлени од војската.
По неговата инаугурација на 20 јануари, Трамп ќе им забрани на трансродовите лица да служат војска и ќе отпушти 15.000 трансродови војници, пишува Тајмс.
– Повеќе нема да примаме трансродови лица во војската поради високите медицински трошоци – рече Трамп во 2017 година и им забрани на трансродовите лица да служат.
Џо Бајден ја смени таа одлука по победата на изборите во 2020 година.
За време на предизборната кампања, Трамп потроши десетици милиони долари на анти-транс реклами.
Тој рече дека ќе го запре „woke лудилото“ и ќе им забрани на малолетниците да го менуваат полот.
Кандидатот на Трамп за министер за одбрана, Пит Хегсет, рече дека ја поддржува одлуката на Трамп.
„Транс луѓето не се подготвени да служат војска“, рече Хегсет.
Се верува дека во американската војска има околу 15.000 трансродови лица, пишува Тајмс.
Извршниот директор на Модерната воена асоцијација на Америка Рејчел Бранаман рече дека не се согласува со одлуката.
„Забраната на трансродовите луѓе ќе ја загрози подготвеноста на војската и ќе создаде уште поголема криза во регрутирањето и задржувањето“, рече Бранаман, додавајќи дека отпуштањето на 15.000 трансродови војници ќе доведе до губење на искуството и лидерството.