Новиот германски министер за финансии, Јорг Кукис, денеска изјави дека по распадот на германската владејачка коалиција, не планира да го замрзне буџетот за оваа година.
„Како што стојат работите, владата ќе може да ја помине оваа година без никакви проблеми“, рече Кукис.
Тој потврди дека ќе биде изготвен нацрт-буџет за следната година бидејќи „нереално е Бундестагот да го усвои буџетот пред специјалните избори во март“, објави Ројтерс.
Кукис додаде дека е премногу рано да се каже дали ќе бидат потребни дополнителни буџетски мерки за 2024 година, бидејќи повеќе не се потребни средства за субвенционирање на новите погони за производство на чипови на Интел може да се користат за покривање на буџетските недостатоци.
Минатата недела германскиот канцелар Олаф Шолц го разреши министерот за финансии Кристијан Линднер, што доведе до колапс на таканаречената „семафорска коалиција“.
Како што јавија претходно денеска германските медиуми, Социјалдемократската партија на Германија (СПД), Зелените и Слободната демократска партија (ФДП) предложија 23 февруари за датум за предвремени парламентарни избори.
Се очекува Шолц да побара од Бундестагот гласање за доверба на владата на 16 декември. Очекуваниот пораз во гласањето за доверба ќе го поттикне процесот на нови избори.