Избирачките места на кои гласачите го избраа новиот претседател на Тајван и новото свикување на еднодомниот парламент денеска беа затворени.
Изборите би можеле да ја одредат насоката на политиката на самопрогласениот остров, кој Кина не го признава и го смета Тајван за дел од својата територија.
За време на кампањата, освен прашањето за односите со Пекинг, во фокусот беа економските теми и високите цени на недвижностите.
Речиси 20 милиони луѓе имаа право на глас.
На претседателските избори победува кандидатот со најмногу гласови, без втор круг.
Главни ривали на денешните избори беа владејачката Демократска напредна партија (ДПП) и опозицискиот Куоминтанг (КМТ).
Ова се двете главни партии во Тајван од почетокот на деведесеттите години на минатиот век.