Севернокорејскиот лидер Ким Џонг-ун се врати во земјата по завршувањето на посетата на Русија.
Ким мина низ граничниот премин Туманганг со воз во понеделникот по локално време, објавија државните медиуми.
За време на реткото шестдневно патување, Ким разговараше со рускиот претседател Владимир Путин за зајакнување на воената и билатералната соработка, потсетува Ројтерс.
Севернокорејската новинска агенција КЦНА соопшти дека посетата „дополнително ја продлабочи пријателската соработка и врските со Путин“ и „отвори ново поглавје во развојот на односите меѓу Северна Кореја и Русија“.
Ким ја заврши шестдневната посета на Русија, тргнувајќи со воз од станицата во Артјом, на рускиот Далечен Исток.
Артјом е на повеќе од 200 километри од станицата во Хасан, на руската граница со Северна Кореја.
На видеото објавено од РИА Новости, Ким, кој ретко ја напушта Северна Кореја, може да се види како мавта додека оди по црвениот тепих до воз, придружуван од воена група и руска делегација што го придружува.
Севернокорејскиот лидер и рускиот министер за одбрана Сергеј Шојгу разговараа за практични прашања за зајакнување на воената соработка, објавија државните медиуми во Северна Кореја.
Севернокорејските медиуми потсетија дека за време на неговата посета на Русија, на Ким му биле претставени руски стратешки бомбардери способни да носат нуклеарни боеви глави, како и хиперсонични ракети и воени бродови, пренесува Танјуг.
Сите информации поврзани со најновите случувања во Северна Кореја можете да ги прочитате ТУКА.