Севернокорејскиот лидер Ким Џонг Ун изрази „искрена благодарност“ до рускиот претседател Владимир Путин за време на неговото враќање во неговата земја по речиси еднонеделната посета на Русија, објавија во понеделникот севернокорејските државни медиуми.
За време на посетата на Ким фокусирана на одбраната, двајцата лидери разговараа за потенцијалните воени врски на нивните земји.
Ким Џонг Ун прегледал голем број на опрема како руски вселенски ракети или подморници, а двајцата шефови на држави симболично си подале пушки.
Посетата ги оживеа стравувањата на Западот дека изолираната земја со нуклеарно оружје би можела да ѝ обезбеди оружје на Москва за нејзината војна во Украина.
На крајот од посетата, која започна во вторникот, Ким „искрено им се заблагодари на претседателот Путин и на руските лидери“ за „нивното посебно внимание и топлото гостопримство“, соопшти официјалната севернокорејска новинска агенција KCNA.
Тој, исто така, посака „просперитет за Русија и благосостојбата на нејзиниот народ“, додаде таа.
Посетата на Ким на Русија „долго ќе остане во историјата“, според КЦНА, и дополнително ќе го зајакне „военото единство“ на двете земји, истовремено „отворајќи ново поглавје“ во нивните односи.
Но, Кремљ, од своја страна, уверува дека „никаков договор“ не бил потпишан оваа недела.
Владимир Путин ја прифати поканата на Ким да ја посети Северна Кореја и зборуваше за можна помош во производството на сателити, по неуспехот на двата неодамнешни обиди на Пјонгјанг.
Во својот оклопен воз, Ким е „на пат кон дома, давајќи радикален нов пресврт во историјата на развојот на односите меѓу КНДР и Русија“, според КЦНА.
Москва и Пјонгјанг, историските сојузници, се под глобални санкции: Москва поради војната во Украина, Пјонгјанг поради тестирање на нуклеарно оружје.
Сите информации поврзани со најновите случувања во Северна Кореја можете да ги прочитате ТУКА.