Специјалниот обвинител Џек Смит предложи во четвртокот судењето на поранешниот претседател на САД Доналд Трамп за наводниот обид за поништување на резултатите од изборите во 2020 година да започне во јануари 2024 година, пренесува Хина повикувајќи се на АФП.
Судијката Тања Чуткан, која ќе го води судскиот процес пред федералниот суд во Вашингтон, изјави дека точниот датум на судењето ќе биде одреден на рочиштето кое го закажа за 28 август годинава.
Таа им даде рок на обвинителството до 10 август, а на одбраната до 17 август да ги подготви своите предлози.
Процесот на Флорида
Во својот поднесок до судијата во четвртокот, специјалната обвинителка предложи датум од 2 јануари 2024 година, наведувајќи дека постапката „не треба да трае повеќе од четири до шест недели“, јавуваат агенциите.
Покрај тоа, Доналд Трамп треба да одговори во мај 2024 година пред федералниот суд во Флорида на обвиненијата дека ја загрозил безбедноста на Соединетите Американски Држави со чување доверливи документи откако ја напуштил Белата куќа во јануари 2021 година во приватна сопственост.
Агенциите наведуваат дека документите вклучуваат воени планови и информации за нуклеарно оружје и дека тој ги чувал во својата резиденција во Мар-а-Лаго, Флорида.