Северна Кореја, една од најзатворените земји во светот, ги покани странските голфери да учествуваат на аматерски турнир во Пјонгјанг за да „развијат пријателски односи“ со нивните севернокорејски колеги.
Земјата е под строги ограничувања од почетокот на 2020 година поради пандемијата „Ковид-19“, но зголемените знаци се чини дека укажуваат дека режимот може да ги олесни граничните контроли.
А во таа насока оди и поканата за странски голфери.
На патеката во главниот град на Северна Кореја се одржуваат „натпревари за голфери аматери во пролет и есен, а можат да учествуваат и странски аматери“, се наведува на веб-страницата, која е дел од туристичката администрација во Пјонгјанг.
„Голфот е важно средство за добивање девизи“
Во уште еден знак на отвореност, Пекинг во јули потврди дека Северна Кореја се пријавила за Азиските игри, кои ќе се одржат во Кина во септември.
Ан Чан-Ил, дезертер кој го предводи Светскиот институт за студии за Северна Кореја, рече дека Пјонгјанг „го направил голфот важно средство за заработка девизи“, па дури и основал „оддел за голф“ на спортски универзитет во главниот град.
Сите информации поврзани со најновите случувања во Северна Кореја можете да ги прочитате ТУКА.