Остро реагирајќи на заканата на Пјонгјанг за превентивен нуклеарен напад, Јужна Кореја во петокот објави дека Северна Кореја ќе го види крајот на својот режим во такво сценарио.
„Секој нуклеарен напад на Северна Кореја врз алијансата Јужна Кореја и САД ќе предизвика непосреден и решителен одговор од алијансата. Повторно предупредуваме дека нападот ќе доведе до крај на режимот на Северна Кореја“, сеулската агенција Јонхап објави соопштение од Министерството за одбрана на Јужна Кореја, пренесува Анадолија.
Реакцијата дојде откако севернокорејскиот министер за одбрана Канг Сун-нам во четвртокот предупреди на „превентивен нуклеарен напад“ по пристигнувањето на американска нуклеарна подморница во јужнокорејско пристаниште оваа недела.
Подморницата ја напушти Јужна Кореја во петокот.
Пристигнувањето на подморницата „исправна мерка“
Американската подморница со нуклеарни балистички ракети „УСС Кентаки“ пристигна во вторник во пристанишниот град Бусан за прв пат од 1981 година.
Сеул и Вашингтон, исто така, одржаа состанок на јужнокорејско-американската нуклеарна консултативна група оваа недела.
Сеул вели дека состанокот и распоредувањето на нуклеарната подморница биле „соодветна одбранбена мерка против континуираните нуклеарни и ракетни закани на Северна Кореја“.
Пјонгјанг го нарече доаѓањето на американската подморница најотворена и најдиректна нуклеарна закана за Северна Кореја.
Сите информации поврзани со најновите случувања со војната во Украина можете да ги прочитате ТУКА.