Во четвртокот Кина ги предупреди Јужна Кореја и САДда не „провоцираат конфронтација“ со Северна Кореја.
„Сите страни треба да се соочат со суштината на проблемот со [корејскиот] полуостров и да имаат конструктивна улога во промовирањето на мирно решение на проблемот“, изјави портпаролката на кинеското Министерство за надворешни работи, Мао Нинг, пренесува Бета.
Таа повика „да не се поттикнуваат тензии, да не се предизвикуваат конфликти и да не се закануваат“.
Американскиот претседател Џо Бајден на состанокот во Вашингтон со неговиот јужнокорејски колега Јун Сук-Јол предупреди дека нуклеарниот напад на Северна Кореја врз САД или врз сојузниците и партнерите на САД ќе значи крај на севернокорејскиот режим.
Зајакнување на одвраќањето против Северна Кореја
Бајден и Јун ветија дека ќе го зајакнат одвраќањето против Северна Кореја, вклучително и испраќање американски подморници со нуклеарно вооружување и други воени средства во Јужна Кореја.
Двајцата лидери разговараа за декларацијата од Вашингтон во Белата куќа, која има за цел да го спречи развојот на нуклеарни и балистички ракети на Северна Кореја.
Бајден рече дека декларацијата е разумен чекор за зајакнување на продолженото одвраќање како одговор на ескалирањето на однесувањето на Северна Кореја. ,
Јужнокорејскиот претседател рече и дека САД и Јужна Кореја значително ќе го зајакнат заедничкиот воен систем за одвраќање против Северна Кореја.
Сите информации поврзани со најновите случувања во Северна Кореја можете да ги прочитате ТУКА.