Турција ќе продолжи со напорите за организирање разговори меѓу рускиот претседател Владимир Путин и украинскиот претседател Володимир Зеленски, изјави шефот на турската држава Реџеп Таип Ердоган на вонредниот самит на Организацијата на турски држави во Анкара.
„Договорот за житото и размената на затвореници, кој стана возможен со наше посредништво, покажа дека страните во украинскиот конфликт се способни да најдат заеднички јазик“, рече Ердоган.
Според него, Турција се залага за праведен мир во Украина и, како што рече, сѐ уште е во постојан контакт со рускиот претседател Владимир Путин и со украинскиот лидер Володимир Зеленски.
„Ќе продолжам да вложувам напори за организирање разговори меѓу нив“, рече турскиот претседател.
Анкара постојано ја изразуваше идејата да стане посредник во преговорите меѓу Русија и Украина.
Во Турција беа одржани и консултации на руската и украинската делегација.
Сите информации поврзани со најновите случувања со војната во Украина можете да ги прочитате ТУКА.