Основачот на руската организација Вагнер, Евгениј Пригожин, изјави дека членовите на платеничката организација го зазеле селото Храсна Хора, на северниот раб на опколениот град Бахмут во украинската област Доњецк.
Во аудио порака објавена од неговата канцеларија за односи со јавноста на апликацијата за пораки Телеграм, Пригожин рече:
„Денес, напаѓачките сили на приватната воена компанија Вагнер ја зазедоа населбата Храсна Хора“.
Пригожин објави и кратко видео на кое се гледаат членовите на Вагнер на влезот во Храсна Хора, која пред војната имала 600 жители.
Ројтерс не можел самостојно да потврди дали селото е окупирано, пренесува Индекс.
Вагнер, некогаш тајна платеничка група која се бореше за сојузниците на Москва во Африка и на Блискиот Исток, го предводи нападот врз Бахмут со месеци, постигнувајќи мали, но постојани придобивки во битката што беснее од минатото лето.
Во јануари, САД го прогласија Вагнер за транснационална криминална организација одговорна за широко распространето кршење на човековите права.
САД проценуваат дека Вагнер има околу 50.000 луѓе распоредени во Украина
Вагнер почна да регрутира затвореници во рускиот казнен систем во летото 2022 година, а Пригожин, претприемач во ресторани кој одлежа девет години затвор во Советскиот Сојуз, им понуди на осудените помилување доколку преживеат шест месеци во Украина.
Вагнер не даде информации за тоа колку осуденици се приклучиле на неговите редови, но официјалните руски податоци објавени во ноември покажаа дека популацијата на затворите во земјата паднала за повеќе од 20.000 меѓу август и ноември, што е најголем пад во повеќе од една деценија.
САД проценуваат дека Вагнер има околу 50.000 луѓе распоредени во Украина, вклучително и 40.000 осуденици регрутирани од руските затвори.
Паравоената група Вагнер дејствува во бројни африкански земји, главно во борбата против бунтовниците.
Бидејќи Пригожин со видео снимки во последните месеци се обидува да ги мотивира затворениците од руските казнено-поправни установи да им се придружат на неговите борци во Украина, минатата недела откри дека групата престанала да регрутира затвореници.
Сите информации поврзани со најновите случувања со војната во Украина можете да ги прочитате ТУКА.