Руските сили погодија критична инфраструктура во неколку делови на Украина во нападите во текот на ноќта, при што најмалку 17 проектили го погодија југоисточниот град Запорожје рано утринава.
Сирени за воздушен напад се огласија низ целата земја за време на утринскиот шпиц, а локалните власти ги повикаа цивилите да се евакуираат, предупредувајќи на можни дополнителни напади.
„Непријателската авијација е во воздух, а бродови способни да носат ракети „Калибер“ се на море. Непријателот лансираше проектили. Воздушната тревога ќе трае долго“, изјави Максим Марченко, регионален гувернер на јужната област Одеса.
„Ве молиме, не ги игнорирајте предупредувачките сирени и одете во засолништа. Нападот на Запорожје беше најлошиот откако Русија ја нападна Украина во февруари минатата година, соопштија локалните власти.
Лансирани се 35 ракети од типот С-300
Критична инфраструктура беше погодена и во Хмелницки во западна Украина, Харков на североисток и во регионот Днепропетровск во центарот на земјата, соопштија регионалните власти.
Портпаролот на воздухопловните сили Јуриј Ихнат изјави за украинската телевизија дека украинската противвоздушна одбрана соборила пет од седум беспилотни летала и пет од шесте ракети Калибер лансирани кон Украина.
Воздухопловните сили објавија и дека 35 ракети С-300 биле лансирани во регионите Харков и Запорожје.
Украинската противвоздушна одбрана не е во состојба да ги собори овие типови ракети.
Официјални лица, исто така, рекоа дека наредиле итни прекини на струјата низ целата земја по нападот врз инфраструктурата.
„Постои голема закана од ракетен напад. Сакам повторно да нагласам – не ги игнорирајте сирените за воздушен напад“, изјави Серхи Попко, шеф на воената управа на градот Киев.
Сите информации поврзани со најновите случувања со војната во Украина можете да ги прочитате ТУКА.