Спасувањето на неколку преживеани од урнатините на зградите во Турција го подигна духот на уморните тимови за потрага и спасување, четири дена по големиот земјотрес што ги погоди Турција и соседна Сирија, при што загинаа најмалку 21.000 луѓе.
Студот, гладот и очајот ги зафатија стотиците илјади луѓе кои останаа без покрив над главата по земјотресот, најсмртоносниот во регионот во последните децении.
Неколку луѓе беа спасени од урнатините на зградите во текот на ноќта, меѓу кои и 10-годишно момче со неговата мајка по 90 часа во областа Самандаг во провинцијата Хатај.
Исто така, во Хатај, седумгодишното девојче Асја Донмез беше спасено по 95 часа и пренесено во болница, објави државната новинска агенција Анадолу.
Сепак, постојат слаби надежи дека многу повеќе ќе се најдат во урнатините на стотици илјади урнати згради во градовите во погодената област.
Бројот на загинати во земјотресот со јачина од 7,8 степени, кој беше проследен со неколку силни последователни потреси, е поголем отколку во земјотресот во 1999 година, кога во земјотрес со слична јачина загинаа повеќе од 17.000 луѓе во северозападна Турција.
Седмата најсмртоносна катастрофа на векот
Овонеделниот земјотрес е седма најсмртоносна природна катастрофа на векот, со повеќе жртви од цунамито во Јапонија во 2011 година и е блиску до земјотресот во соседен Иран во 2003 година, кој однесе 31.000 животи.
„Тука има само деца. Ни треба греење и неопходни работи, не можевме да спиеме минатата ноќ бидејќи беше многу студено. Многу е лошо“, изјави за Ројтерс во сириската провинција Идлиб Мунира Мухамед, мајка на четири деца која избега од Алепо. .
Стотици илјади луѓе низ двете земји останаа без покрив над главата среде зима.
Многумина ја поминаа ноќта во импровизирани засолништа на паркинзи на супермаркети, џамии, патишта или меѓу урнатините, често очајнички барајќи храна, вода и топлина.
Повеќе од 21.000 луѓе загинаа во земјотресите што во понеделникот ги погодија Турција и Сирија.
Во Турција загинаа најмалку 18.342 лица, додека во Сирија 3.377.
Сите информации поврзани со најновите случувања во Турција можете да ги прочитате ТУКА.