По разорниот земјотрес со јачина од 7,8 степени според Рихтеровата скала што утринава погоди делови од Турција и Сирија, се случија повеќе од 100 последователни потреси, од кои три беа посилни од 6,0 степени според Рихтеровата скала, изјави Орхан Татар, генерален директор за Центар за управување со вонредна состојба (АФАД).
Наведувајќи дека најголемиот од последователните потреси бил со јачина од 6,6 степени според Рихтеровата скала, Татар рече дека има сериозни земјотреси во регионот, јави Анадолија.
„Овие последователни потреси постојат долго време. По толку голем главен удар, по главните земјотреси до 7,7-7,6 степени, афтершокови до 6,7-6,5 степени ќе продолжат во регионот“, рече тој.
Според него, се проценува дека потресите ќе продолжат најмалку уште една година.
„Затоа, најважно е да ги замолиме граѓаните да не влегуваат во оштетените објекти“, рече Татар.
Тој посочи дека зградите кои не биле уништени по последователни потреси со јачина од 5,0-6,0 степени може да бидат оштетени во последователни потреси од 5,0 или повеќе.
Турскиот округ Елбистан во провинцијата Кахраманмарас тогаш беше погоден од земјотрес со јачина од 7,5 степени според Рихтеровата скала во 13:24 часот по локално време, објави Ројтерс.
Елбистан се наоѓа на околу 130 километри северно од Газиантеп, каде што бил епицентарот на утринава земјотрес.
Најмалку 70 луѓе загинаа низ Кахраманмарас по првиот земјотрес, а засега нема информации за можни жртви по вториот земјотрес.
Сите информации поврзани со најновите случувања во Турција можете да ги прочитате ТУКА.