По силниот земјотрес што ја погоди југоисточна Турција, се урна тврдина во Газиантеп стара над 2.200 години.
Земјотрес со јачина од 7,8 степени според Рихтеровата скала ги погоди синоќа Турција и Сирија. Стотици загинати и илјадници луѓе беа повредени во двете земји.
Бројот на загинати во Турција во моментов е 284, а повредени се 2.323 лица, изјави на прес-конференција потпретседателот Фуат Октај.
Стотици мртви, илјадници повредени
Ројтерс јавува дека 70 лица загинале во провинцијата Кахраманмараш, каде што е епицентарот на земјотресот, заедно со 20 лица во Османије, 18 во Шанлиурфа, 14 во Дијарбакир и 13 во Адијаман.
Во Сирија загинаа најмалку 237 лица, а 639 се повредени, јави сириската државна новинска агенција САНА, повикувајќи се на официјален претставник на Министерството за здравство.
Вкупниот број на загинати во Турција и Сирија сега е најмалку 521.
🇹🇷⚡In Turkey, the earthquake severely damaged the historic Gaziantep fortress, built during the Roman Empire and later reconstructed during the Ottoman Empire. There was a partial collapse of several walls and towers. – Intel Slava Z pic.twitter.com/xhJjzdbjBf
— Zlatti71 (@djuric_zlatko) February 6, 2023
Сите информации поврзани со најновите случувања во Турција можете да ги прочитате ТУКА.