Рускиот министер за надворешни работи Сергеј Лавров испрати застрашувачка порака за првата годишнина од руската инвазија на Украина, која ќе се одбележи на 24 февруари годинава.
Лавров тврди дека Русија планира да ги засени проукраинските настани што ќе се организираат во градовите на украинските сојузници ширум светот на годишнината од инвазијата.
„Настаните во Њујорк нема да бидат единствените што ќе го привлечат вниманието на светот“
Во интервју за државната телевизија, шефот на руската дипломатија рече дека руските дипломати „работат на нешто што ќе обезбеди најавените настани во Њујорк и на други места да не бидат единствените што ќе го привлечат вниманието на светот“, но не наведете какви било дополнителни детали.
Неговата изјава доаѓа откако украинскиот министер за одбрана Олексеј Резников сугерираше дека руските сили би можеле да започнат нова офанзива во Украина на симболичен датум како што е 24 февруари.
Лавров во интервјуто рече дека Русија „од сегашната ситуација ќе излезе уште посилна и поспособна да се брани“.
Сите информации поврзани со најновите случувања со војната во Украина можете да ги прочитате ТУКА.