Испораката на американскиот „Патриот“ во Украина може да доведе до непредвидливи последици и да ја загрози глобалната безбедност, соопшти руската амбасада во Вашингтон.
Администрацијата на Бајден ги финализира плановите за испраќање напреден систем за воздушна одбрана со долг дострел Патриот.
„Доколку тоа се потврди, ќе бидеме сведоци на уште еден провокативен чекор на администрацијата на Бајден, кој може да доведе до непредвидливи последици“, се вели во соопштението на руската амбасада.
Тие додаваат дека континуираното снабдување со оружје за Украина „само ќе го зајакне чувството на неказнивост на режимот Зеленски и ќе го охрабри да изврши нови злосторства против цивилите“ во четирите украински региони за кои Русија тврди дека сега се нејзина територија.
Сите информации поврзани со најновите случувања со војната во Украина можете да ги прочитате ТУКА.