Освен изборите за Конгресот, во вторникот се одржаа избори за гувернери во 36 американски сојузни држави, а ситуацијата во голема мера е непроменета во однос на претходните избори.
Иако трката за гувернер привлекува помалку внимание отколку за Конгресот, од друга страна, изборот на гувернер е важен поради прашањата за правата на абортус, правата на трансродовите, поседувањето и носењето оружје и идните избори, пренесе Ројтерс.
Некои од најпознатите имиња меѓу гувернерите ги задржаа своите фотелји од претходно.
Во Њујорк, демократката Кејти Хукл го обезбеди местото со тесно поразување на републиканскиот противкандидат Ли Зелдин, конгресмен од Лонг Ајленд.
Републиканецот Грег Абот од Тексас беше убедлив против демократката Бет О’Рурк, освојувајќи трет мандат.
Абот, кој е поддржан од поранешниот претседател Доналд Трамп, ги поддржа конзервативните политики за време на неговиот втор мандат, со што се спротивстави на вакцините против Ковид и задолжителното носење маски.
Тој го потпиша најрестриктивниот закон за абортус во цела Америка и ги превезуваше мигрантите со автобуси во државите под контрола на демократите.
Републиканецот Рон ДеСантис е избран за гувернер на Флорида по втор мандат, победувајќи го демократот Чарли Крист, што во САД се смета за увертира за претседателската трка на ДеСантис во 2024 година.
Мериленд го доби својот прв црн гувернер, бидејќи демократот Вес Мур го победи републиканецот Ден Кокс во држава каде што демократите беа побројни од републиканците со 2-1.
Претседателката на Претставничкиот дом, демократката Ненси Пелоси беше реизбрана во Калифорнија во Долниот дом на Конгресот.